ឯកឧត្តម អ៊ុំ សារឹទ្ធ ជួបពិភាក្សាការងារជាមួយនាយិកាកម្មវិធីនុមេរិចនៃសភាប្រើភាសាបារាំង
នាព្រឹកថ្ងៃទី៨ ខែមេសា ឆ្នាំ២០២២ វេលាម៉ោង ៩:០០នាទី នៅសាលប្រជុំពិសេសកណ្តាល នៃវិមានព្រឹទ្ធសភា ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានទទួលជួបពិភាក្សាការងារ ជាមួយនឹងលោកស្រី Mireille Eza នាយិកាកម្មវិធីនុមេរិច នៃសភាប្រើភាសាបារាំង ដោយផ្តោតលើ៖
-ការផ្តល់អាហាររូបករណ៍មួយរូបដល់មន្រ្តីអគ្គលេខាធិការដ្ឋានព្រឹទ្ធសភាសម្រាប់ចូលរួមវគ្គបណ្តុះបណ្តាលកិច្ចការសភានៅសាលារដ្ឋបាលជាតិបារាំង។
-ការត្រៀមរៀបចំសិក្ខាសាលានាពេលខាងមុខ។
-ព័ត៌មានផ្សេងៗពាក់ព័ន្ធនឹងបេសកកម្មសុឆន្ទៈនៅព្រះរាជាណាចក្រកម្ពុជា។
ប្រភព៖ នាយកដ្ឋានព័ត៌មាន
